Ministrat në Mbretërinë e Bashkuar u paralajmëruan vitin e kaluar për një pandemi të mundshme, kjo do të thotë se qeveria e vendit duhet të ketë një plan të fortë për t’u marrë me virusin dhe pasojat e tij potenciale katastrofike sociale dhe ekonomike, shpjegohet në dokumentin e siguruar nga The Guardian.
Dokumenti i detajuar i Zyrës së Kabinetit paralajmëroi që edhe një pandemi e butë mund të kushtojë dhjetëra mijëra jetë dhe të përcaktojë “aftësitë e kërkuara” të domosdoshme për të zbutur rreziqet për vendin.
Ky dokument zbulohet ndërsa numri i vdekjeve në spitalin e Mbretërisë së Bashkuar nga koronavirus ka shkuar rreth 20,000.
I njohur si “zyrtar, i ndjeshëm”, Vlerësimi i Riskut të Sigurisë Kombëtare 2019 (NSRA) u nënshkrua nga Sir Patrick Vallance, këshilltari kryesor shkencor i qeverisë, si dhe një këshilltar i lartë i sigurisë kombëtare të kryeministrit, të cilit The Guardian i është kërkuar të mos i përmend emrin.
Në dokument shkruhej se Qeveria duhet të siguronte sa më shumë pajisje personale mbrojtëse, organizimin e marrëveshjeve të avancuara të blerjes për pajisje të tjera thelbësore, krijimin e procedurave për mbikëqyrjen e sëmundjeve dhe gjurmimin e kontaktit dhe hartimin e planeve për të menaxhuar një rritje të vdekjeve të tepërta.
Gjithashtu në plan ishte dhe ndihma për shtetasit britanikë jashtë vendit dhe riatdhesimin e tyre në Mbretërinë e Bashkuar, e cila ishte shënuar si përparësi.
Të gjitha këto fusha kanë qenë nën një kontroll të pamëshirshëm që nga fillimi i pandemisë koronavirus, me qeverinë e akuzuar se ishte ‘shumë e ngadaltë’ për të reaguar ndaj krizës.
Dokumenti i Zyrës së Kabinetit, i cili shkon në më shumë se 600 faqe, jo vetëm që analizoi rrezikun e një pandemie virale të gripit, por gjithashtu adresonte në mënyrë specifike potencialin për një shpërthim koronavirusi (Sars dhe Mers), megjithëse e konsideronte këtë si potencialisht shumë më pak të dëmshme. Në realitet, Mbretëria e Bashkuar po merret me një hibrid të të dyve, duke shtruar pyetje të mëtejshme nëse ministrat ishin mjaft të shpejtë për të njohur rreziqet dhe ishin në gjendje të mbështeteshin në ato që përgatitjet ishin tashmë në vend.
Disa nga pikat që dokumenti përfshinte:
• Një pandemi do të luante deri në “tre valë”, me secilën valë që pritet të zgjasë 15 javë … “me javët e pikut që ndodhin në javët 6 dhe 7 në secilën valë”.
• 50% e popullsisë do të infektohej dhe do të pësonin simptoma të gripit pandemik gjatë një ose më shumë valëve. Numri aktual i personave të infektuar do të ishte më i lartë se fillimi, pasi do të kishte një numër rastesh asimptomatike.
• Një pandemi e virulencës së moderuar mund të çojë në 65.600 vdekje.
• Kostoja e mundshme për Mbretërinë e Bashkuar mund të jetë 2.35 tn.
• Edhe pas përfundimit të pandemisë, ka të ngjarë që do të duheshin muaj apo edhe vite që shërbimet shëndetësore dhe të kujdesit shoqëror të shërohen.
• Do të ketë një zemërim të konsiderueshëm publik mbi çdo trajtim të dobët të perceptuar të përgatitjeve të qeverisë dhe përgjigje ndaj emergjencave.
Burimi: The Guardian Përktheu dhe përshtati për Fjala.al: R.Guri
