Drejtori i Përgjithshëm i Policisë së Shtetit, Ardi Veliu ka pezulluar nga detyra policin, i cili së bashku me një person tjetër ka ndaluar dhe dhunuar një gazetar që ishte duke udhëtuar me të dashurën në qytetin e Fierit.
Në një postim në faqem zyrtare të Policisë së Shtetit bëhet me dije Veliu se ja ka lënë këtë çështje në dorë grupit hetimor në drejtimin e Prokurorisë së Fierit dhe SHÇBA-së.
Policia e Shtetit
Drejtori i Përgjithshëm i Policisë së Shtetit pezullon menjëherë nga detyra punonjësin e patrullës në Stacionin e Policisë Roskovec, shtetasin A. B., pasi.
Sot, rreth orës 20:00, ky punonjës policie, jashtë orarit të shërbimit, në afërsi të sheshit qëndror të qytetit të Fierit, pas një konflikti për motive të dobëta, ka goditur me sende të forta automjetin e shtetasit Xh. O. dhe është konfliktuar fizikisht me të.
Pas ndërhyrjes së patrullës është bërë shoqërimi i menjëhershëm i shtetasit A. B. në Komisariatin e Policisë Fier dhe personave të tjerë të përfshirë në këtë ngjarje.
Grupi hetimor, në drejtimin e Prokurorisë së Fierit dhe SHÇBA-së, po kryen veprimet për zbardhjen e plotë të ngjarjes.
Ndërkohë, Drejtoria e Standardeve Profesionale në Policinë e Shtetit ka nisur hetimin disiplinor për shkelje të rëndë./Fjala.al/
