Drejtoria e Përgjithshme e Shërbimeve të Transportit Rrugorka njoftuar se duke filluar nga dita e hënë më 27 prill do të fillojë shërbimi taksi brenda qytetit.
Sipas njoftimit të DRSHTR nuk lejohet udhëtimi me më shumë se 1 pasagjer dhe ai person duhet të jetë ulur diagonal. Përjashtim janë rastet rastet e familjeve, të miturve apo personave me aftësi të kufizuara.
Po ashtu pasi të bëhet pagesa, shoferi dhe pasagjeri duhet që të dezinfektojnë duart, timonin, dorezat e dyerve, sediljet, rripat e sigurimit, dritaret etj.
Njoftimi i plotë i DPSHTR
Nga data 27 Prill, do të rifillojnë shërbimet me taksi vetëm për lëvizjet brenda qytetit! Shoferë dhe pasagjerë duhet të respektojnë masat dhe protokollet e sigurisë të ndërmarra në situatën e emergjencës COVID-19!
Si të udhëtojmë të sigurt me taksi?
Shoferi dhe pasagjeri duhet të jenë të pajisur me maska, doreza dhe dezinfektant! Të shmangen kontaktet fizike!
Pasagjeri duhet të ulet mbrapa dhe diagonalisht me shoferin e mjetit. Lejohet vetëm 1 klient në automjet. Përjashtim rastet nga e njëjta familje dhe të shoqërimit me të mitur apo persona me paaftësi!
Kondicioneri duhet të jetë i fikur dhe ajrosja të jetë natyrale. Dritaret e mjetit të qëndrojnë pakëz hapur!
Mbuloni gojën dhe hundën me një pecetë ose bërryl kur kolliteni apo kur teshtini. Shmangni prekjen e syve, hundës ose gojës me duar të palara.
Pas pagesës me kartë/cash, shoferi dhe pasagjeri duhet të dezinfektojnë duart.
Pas çdo pasagjeri, shoferi të dezinfektojë: timonin, dorezat e dyerve të mjetit, sediljet, rripat e sigurimit, kontrollet e dritareve, butonin e bagazhit, etj.
DENONCO mosrespektimin e masave të sigurisë: www.dpshtrr.gov.al
Mbro veten dhe të tjerët!
