Dita e sotme e cila ishte përcaktuar deri në orën 11:00 për nënat me fëmijë deri në 10 vjeç është shfrytëzuar për të dalë në mjedise të ndryshme.
Në kryeqytet shumë persona abuzuan me leje-daljen pasi nuk kanë respektuar as distancimin social, duke u grumbulluar masivisht te Liqeni Artificial i Tiranës.
LEXO EDHE:
Tiranë/Njerëzit s’pyesin për koronavirusin, mbushin Liqenin Artificial-VIDEO&FOTO
E njëjta gjë ka ndodhur edhe në Durrës ku nënat bashkë me fëmijët e tyre kanë ‘pushtuar’ bregdetin e këtij qyteti duke u grupuar dhe mos respektuar distancimin social, siç duket edhe në foton e siguruar nga Fjala.al
Përveç nënave që kanë dalë me fëmijët e tyre sipas udhëzimit të qeverisë mbi masat e marra ndaj koronavirusit, ka pasur edhe grupmosha të tjera, kryesisht të rinj, të cilëve nuk iu lejohen të dalin gjatë fundjavave./Fjala.al/
