Janë zbuluar detaje të reja rreth vrasjes së dyfishtë të ndodhur ditën e sotme në qytetin e Lezhës, ku një prej viktimave është rapsodi i Kol Murrani.
Ndërkohë një nga pistat që po heton prokuroria është edhe motivi i hakmarrjes, pasi nipi i Kol Murranit, djali i vëllait të tij është dënuar me burg të përjteshëm. Nipi i rapsodit është akuzuar për vrasjen e dy personave që në ngjarjet e vitit 1997.
Viktimat të dy rreth moshës 60-vjeçare u gjetën të vdekur në zonën e quajtur Lalm i vjetër. Trupat e pajetë të dy viktimave janë gjetur nga djali i njërit prej tyre, i cili më pas ka lajmëruar edhe policinë. Nga të dhënat e para dyshohet se viktimat mund te jenë vrarë që paraditen e sotme.
Ndër vite fshati Lalm i Vjetër, ku u gjetën trupat e viktimave, njihet si zonë e kultivimit të lëndëve narkotike.
Ndërsa ritheksojmë se Kol Murrani ishte mjaft i njohur në zonë me këngët e tij të shumta si dhe ka marrë pjesë ne festivalet e zonës dhe rajonit të veriut./Fjala.al/
