Një 40-vjeçar ka shpërthyer gjatë karantinës së krijuar nga koronavirusi duke masakruar me thikë fëmijët e tij, vajzën 1-vjeç dhe djalin tre vjeçar.
Me gjithë thirrjet e gruas së tij, 40-vjeçari Nithin Kumar nuk ka ndaluar asnjë moment duke goditur me thikë fëmijët.
Kumar, i cili jetonte me gruan, Nissa dhe dy fëmijët e tij, është përshkruar si njeri mjaft i mbyllur, ndërsa kishte përfunduar punën në dyqan 90 minuta para tragjedisë.
Reshna Begum, e cila jeton afër shtëpisë së 40-vjeçarit, tha se dëgjoi ulërima rreth orës 17:30 në pasditen e së dielës. “Dëgjoja gruan që ulërinte “Më ndihmo”. “Më shkoi mendja se diçka e tmerrshme duhet të kishte ndodhur. Kjo gjë vazhdoi për 10 minuta”, shprehet Begum.
Fqinjët treguan se si policët e nxorën trupin e vajzës në një çantë të vogël ndërsa mjekët u përpoqën të shpëtonin vëllain e saj i cili ndërroi jetë në spital.
Dëshmitarët thanë se nëna e fëmijëve, e traumatizuar u largua nga policia.
Zonja Begum shtoi: “Kjo është shkatërruese, e tmerrshme. Si nënë jam e tronditur nga ajo që ka ndodhur. Unë nuk mund ta imagjinoj atë që ka ndodhur.”
Kumar dhe gruaja e tij erdhën nga Sri Lanka në Britaninë e Madhe. Ai ishte i punësuar në një dyqan afër shtëpisë së tij. Kumar punonte deri në orën 16:30 dhe rikthehej te familja e tij.
Punëdhënësi i tij, Shanmugatha Thevadurai, 54 vjeç, tha se “gjithçka ishte normale. Nithi ishte njeri i mrekullueshëm dhe një punëtor besnik. Ai hapi dyqanin në 9 të mëngjesit, punoi, më bëri dhe një çaj pak para se të largohej. Ai më kishte thënë se si gruaja e tij nuk ishte e lumtur ndërsa ai dilte të punonte edhe gjatë kohës së pandemisë së koronavirusit. Ata ishin katër persona në një banesë të vogël, dhe unë mendoj se gjërat po vështirësoheshin. Si duket ai nuk e përballoi dhe shpërtheu. Jam i tronditur totalisht. Por kur e pashë për herë të fundit, ai ishte me humor të mirë dhe nuk vërejta asgjë që nuk shkonte”. /Përshtati nga The Sun, për Fjala.al, B. Quku/
