Një studim i realizuar në Britaninë e Madhe ka zbuluar se mungesa apo niveli i ulët i vitaminës D në trupin e njeriut, mund t’i bëjë ata më të prekshëm nga koronavirusi dhe mund ti çojë madje drejt vdekjes.
Studimi është publikuar në Britani por është realizuar në 20 vende të ndryshme të Bashkimit Europian, sa i përket normës së infektimit nga Covid dhe normës së vdekshmërisë.
Në studim zbulohet lidhja edhe mes vendeve që kanë mjaftueshëm vitamin D, që sigurohet edhe përmes rrezeve të diellit dhe numrit të të prekurve.
Gjithsesi shkencëtarët, ndonëse bazuar mbi numra e statistika, ende nuk e kanë provuar shkencërisht lidhjen mes vitaminës D dhe prekjes nga koronavirusi. Por shkencëtarët nga Fondi i besimit në spitalin “Queen Elizabeth” këshillojnë konsumimin apo marrjen, edhe artificialisht të vitaminës D në formën e suplementit, pasi i mbron njerzit nga infeksioni me SarsCov2.
Edhe nëse personat janë prekur, vitamin D në nivele të kënaqshme rrit ndjeshëm shanset për të rimarrë vehten. Sipas statistikave ku është bazuar studimi, ata që kishin marrë vitamin D, kanë shëruar më shpejt qindra pacientë të infektuar, mes tyre edhe moshën e tretë.
Vitamina D mund të konsumohet përmes ushqimeve të caktuara, si peshku apo mund të prodhohet në qeliza edhe përmes ekspozimit në diell. Vitamina D mund gjithashtu të reduktojë tek njeriu rrezikun e sëmundjeve respiratore si gripi, tuberkuloza apo azma që në fëmijërinë e hershme./Përshtati nga Daily Mail, Fjala.al/
