Një tjetër mjek që ishte prekur nga koronavirusi dhe që u ankua se po e detyronin të punonte pavarësisht se ishte i sëmurë , është në gjendje kritike pasi ra nga dritarja e spitalit në Rusinë perëndimore këtë fundjavë, raportojnë mediat lokale.
Kjo është hera e tretë që persona nga personeli rus i kujdesit shëndetësor kanë rënë nga një ndërtesë spitali në rrethana misterioze në dy javët e fundit. Dy rastet e mëparshme kanë humbur jetën nga dëmtimet e tyre.
Mjeku Alexander Shulepov ndodhet në gjendje kritike me një frakturë të kafkës pasi ra nga kati i dytë, raportojnë mediat ruse. Ndërsa, Shulepov, 37 vjeç dhe kolegu i tij filmuan një video më 22 prill duke u ankuar se mjeku kryesor i spitalit të fshatit Novaya Usman e detyroi atë të punonte, pavarësisht faktit se ai testoi pozitiv për Covid-19.
Video e dytë u shfaq tre ditë më vonë në të cilën Shulepov mohoi pretendimet e tij fillestare “emocionale”. Alexander Kosyakin raportohet se po përballet me akuza penale për përhapjen e “lajmeve të rreme” në lidhje me virusin, i cili mbart një dënim me burg deri në pesë vjet sipas një ligji federal të miratuar së fundmi.