Një nga spitalet më të mira në Britaninë e Madhe, do të përdorë gjakun e plazmës si trajtim për pacientët sëmurë me Covid-19, si pjesë e një eksperimenti që transferon plazmën nga njerëzit e shëruar tek njerëzit e sëmurë, për t’i dhënë sistemeve të tyre imunitare një nxitje për të luftuar virusin.
Që kur koronavirusi i ri u shfaq në Kinë në fund të vitit të kaluar, ai ka vrarë më shumë se 200.000 njerëz në të gjithë botën, dhe kompanitë e ilaçeve po garojnë për të prodhuar një vaksinë, megjithëse nuk ka ende ndonjë trajtim specifik.
Spitali “Guy and St Thomas” në Londrës, për të cilin kryeministri Boris Xhonson tha se i shpëtoi jetën kur u sëmur rëndë me Covid-19, është ai që do të testojë të ashtuquajturin trajtim më “plazmën konvaleshente”, si pjesë e një eksperimentimi ndërkombëtar.
Gjaku i plazmës i dhuruar nga njerëzit që janë shëruar nga Covid-19, transfuzohet tek pacientët e sëmurë, trupat e të cilëve nuk prodhojnë mjaftueshëm antitrupa kundër virusit.
“Për momentin, nuk ka asnjë trajtim të provuar për Covid-19”- thotë doktor Manu Shankar-Hari, këshilltar në spitalin e kujdesit intensiv në këtë spital.
“Plazma konvaleshente, është një trajtim premtues që mund të ndihmojë pacientët, trupat e të cilëve nuk prodhojnë mjaftueshëm antitrupa për të frenuar sëmundjen. Ky eksperiment, do të na ndihmojë të kuptojmë, nëse trajtimi duhet të përdoret më gjerësisht për të trajtuar COVID-19.” – tha Shankar-Hari.
