Një tjetër shqiptar ka humbur betejën me koronavirusin në Gjermani. Lajmi është dhënë në ‘Facebook’ nga kryetari i komunës së Gjilanit, Lutfi Haziri.
Harizi shkruan se shtetasi Myshyr Shabani nga Gjilani, kishte rezultuar pozitiv me Covid-19 dhe ky ishte shkaku pse kishte humbur jetën. Gjithashtu, Harizi shprehet se situata në Gjilan është e qetë dhe nuk ka arsye për panik.
Njoftimi i plotë:
#Dita55 me një lajm të trishtë për Gjilanin. Me pikëllim të thellë, ju njoftoj se ka ndërruar jetë bashkëqytetari ynë në Gjermani, Myshyr Shabani, nga fshati Gadish, i cili kishte dalë pozitiv me #Covid19. Ngushëllimet më të sinqerta familjes, fshatit dhe të gjithë qytetarëve. Lajmi i mirë është se kemi filluar me lehtësimet në ekonomi, përkatësisht me lejimin e operimit të bizneseve të vogla në qytet, por lajmi i keq është që të njejtat biznese janë ndaluar të operojnë në qendrat tregtare. Sa i përket situatës në përgjithësi, mund të konstatojmë se është e qetë dhe s’ka arsye për kurrëfar paniku. Por, apeloj që të vazhdojmë të qarkullojmë në qytet në bazë të orarit të lejuar, duke i ndërmarrë masat preventive. Siҫ e kam paralajmëruar ditë më parë, Gjilani do të bëhet komuna e parë që e ul infeksionin në pikën zero!/Fjala.al/
