Italia ka hyrë fazën e dytë të hapjes graduale, por mesa duket njerëzit nuk po e respektojnë siç duhet këtë rikthim në normalitet. Disa foto të publikuara nga mediat italiane, në Navigli Milano, shihen turma njerëzish në parqe, duke ecur pa maska dhe pa respektuar masat e vendosura për mospërhapjen e Covid-19. Gjithashtu, thuhet se janë hapur edhe lokalet e natës.
Specialist i sëmundjes infektive Massimo Galli, mjeku kryesor në spitalin Saço, paralajmëron: “Në Lombardi, rreziku i mbylljes është akoma në prag. Milano është një bombë, sepse shumë persona kanë qenë të mbyllur në shtëpi me sëmundjen. Kemi një numër shumë të lartë të infektuarish, të cilët tani po dalin nëpër rrugë. Duhet të ketë më shumë kontrolle. Testi i shpejtë, mund të jetë e dobishme për këtë rast“, tha në fjalën e tij Galli.
Deri më tani, Italia ka 29 mijë të vdekur nga koronavirusi raporton “lanotiziaquotidiana”./Fjala.al/
