FBI dhe Departamenti i Sigurisë Kombëtare të SHBA-ve knë paralajmëruar se Kina, përmes hakerave dhe rrjetit të saj të spiunazhit, po përpiqet të vjedhë zbulimet e vaksinave amerikane ndaj Covid-19.
New York Times sipas ANSA raporton se FBI dhe Departamenti i Sigurisë Kombëtare po përgatiten të lëshojnë një ‘paralajmërim publik’ për të gjithë për ofensivën e Pekinit.
“Ne jemi duke udhëhequr botën në kërkimet mbi trajtimin dhe vaksinat. Është imorale të godasim Kinën me thashetheme dhe shpifje në mungesë të provave.”- deklaroi zëdhënësi i Ministrisë së Jashtme kineze Zhao Lijian sipas New York Times.
Më tej Zhao shton: Kina mbështet fuqimisht sigurinë në internet dhe është viktimë e sulmeve kibernetike.
Ndërsa, Presidenti i SHBA-ve, Donald Trump ka ripostuar një artikull që citon zbulimet e të përjavshmes gjermane Der Spiegel, në të cilën thuhet se udhëheqësi kinez Xi Jinping personalisht i kërkoi Organizatës Botërore të Shëndetit në 21 Janar të vonojë shpërndarjen e informacionit për transmetimin e koronavirusit nga njeriu tek njeriu dhe deklarimin e pandemisë. Ky zbulim i Der Sipegel vjen bazuar në burime të inteligjencës gjermane./Fjala.al/
