Ish-kryeministri Ramush Haradinaj deklaroi sot se disa prej masave që ka marrë qeveria Kurti për koronavirusin kanë qenë të gabuara.
Ndër të tjera Haradinaj tha se pasojat më të mëdha për masat që janë marrë Kosova i ka në ekonomi.
“Tani po shpresojmë që të nisë të kthehemi normalitetit në Kosovë, pasi pandemia shkaktoi shumë pasoja në përgjithësi në jetën tonë. Me rëndësi është rikthimi i ekonomisë tani.
Mund të konstatojmë që Kosova në tërësi për fatin e mirë nuk ka pasoja të mëdha sa i takon jetës së njerëzve e shëndetit. Pasojat më të mëdha i kemi në ekonomi. Mendojmë se disa prej masave ka qenë të gabuara.
Disa prej ndalimeve kanë qenë të gabuara. Kosova ka popullsi të re, jemi vend rural dhe ka ekzistuar mundësia që të lejonim veprimtaritë në bujqësisë dhe në ndërtim. Pasojat më të mëdha i kemi në ekonomi,” deklaroi Haradinaj në një intervistë për Ora News./l.m/Fjala
