Babai 37-vjeçar në Maliq, i cili u akuzua nga vajza e tij për ngacmim seksual ka mohuar akuzat. Para efektivëve ai ka deklaruar se ngjarja nuk është e vërtetë dhe se me vajzën e tij ka marrëdhënie shumë të mira.
Gjatë dëshmisë së tij 37-vjeçari është shprehur se ka qenë nën efektin e pijeve alkoolike dhe narkotike kur është bërë regjistrimi i audios.
Të afërmit e vajzës kanë kërkuar që drejtësia të vendoset në vend,ndërsa kanë kërkuar edhe një mbrojtje nga policia dhe ndihmë nga psikologët.
Gjithashtu bëhet me dije se vajza prej një viti qëndronte me nënën dhe gjyshen e saj në Korçë dhe nuk jetonte me të atin, pasi 37 vjeçari njihet si person problematik dhe konsumonte lëndë narkotike.
Sipas vajzës babai i saj prej kohësh pinte dhe dhunonte bashkëshorten ndërsa i ka kërkuar dhe asaj vetë të kryenin marrëdhënie. Nga dëshmia vajza thotë se ka regjistruar bisedën me të atin ku shihet qartë se çfarë i kërkon 18 vjeçares.
