Grubman Shire Meiselas & Sacks, klientë të së cilës janë personazhe të famshme të botës së showbizit, kërkojnë 21 mln $, në të kundërt kërcënojnë se do të publikojnë në rrjet çdo email privat, kontrata pune dhe të dhëna e sekrete personale të yjeve.
Sipas burimeve, një nga themeluesit e firmës ligjore që ka siguruar edhe kontratat e majme me VIP-at, Allen Grumman, ka thënë se pavarësisht faktit që ekspertët më të mirë të fushës po bëjnë hetimet për të zbuluar grupin e hakerave, është i shqetësuar pasi ai zotëronte Informacione sensitive, për kontratat e punës, pasurinë apo ofertat që janë ende në shqyrtim nga ana e klientëve të famshëm.
Grupi “REvil” besohet se ka hakeruar 676 gigabite informacion nga firma ligjore dhe ka nisur tashmë shantazhet. Sipas burimeve, grupi dyshohet se vepron nga vendet e Europës lindore dhe më herët ka vepruar kundër kompanive të tjera të mëdha në fusha të ndryshme.
Ende nuk është zbuluar asnjë anëtar apo vendi nga veprojnë hakerat. Asnjë prej më shumë se 200 klientët VIP të firmës ligjore nuk ka reaguar për ngjarjen edhe pse janë publikuar disa kontrata të Madonnës apo Christina Aguilera./l.m/Fjala
Burimi: Daily Mail, Përshtati: Fjala.al
