Një gazetë në Kinë e cila drejtohet nga qeveria e vendit, ka kritikuar Boris Johnson për rikthimin e qytetarëve britanikë në punë. Sipas Kinës, Britania nuk e ka trajtuar si duhet pandeminë e koronavirusit.
‘Global Times’, e drejtuar nga partia komuniste në pushtet, pretendoi se Mbretëria e Bashkuar kishte humbur javë të tëra në një strategji “të çuditshme dhe të përgatitur keq” ndërsa Kina luftoi shumë kundër virusit.
Kritikat erdhën në kohën kur Britania njoftoi se numri i viktimave në vend kishte shkuar në 33.614, duke qenë vendi i dytë në botë që shënon më shumë viktima.
Artikulli shkruan: “Pothuajse çdo vend po përpiqet të frenojë përhapjen e virusit përmes praktikës standarde të shëndetit publik – testimit të njerëzve dhe gjurmimit të kontakteve – dhe përmes masave kufizuese, si vendosja e karantinës dhe distancimi shoqëror.
Analiza studimore tregoi që reagimi i qeverisë së Britanisë së Madhe ndaj krizës ishte i dobët dhe i përgatitur keq.
Global Times kritikoi gjithashtu këshillën e fundit të qeverisë, të njoftuar nga Boris Johnson të dielën, e cila thoshte se çdo britanik që nuk mund të punojë nga shtëpia duhet të kthehet në punë.
Gazeta ‘Global Times’ njihet si mbështetëse e regjimit kinez dhe sulmon kritikët e regjimit./Fjala.al/Përshtati:Kamela Liko/Burimi:The Sun
