Gjykata e Athinës ka dënuar me burgim të përjetshëm 23-vjeçari shqiptar, Aleksandër Lucaj dhe 23-vjeçari grek, Manolis Bukuras, pasi abuzuan seksualisht, vranë dhe hodhën nga shkëmbi 21-vjecaren greke, Eleni Topaludhi.
Ndërsa nga mediet greke raportojnë se Gjykata e Athinës nuk ka pranuar asnjë nga lehtësimet e kërkuara nga avokatët mbrojtës, duke dhënë dënimin maksimal për dy të rinjtë.
Rikujtojmë se ngjarja e tmerrshme ka ndodhur mbrëmjen e 28 nëntorit 2018, ku 21-vjeçarja u përdhunua, u dhunua me armë të ftohtë dhe u hodh nga shkëmbinjtë 10 metra në brigjet e zonës Fokia, të ishullit Rhodes.
Ndërsa përveç kësaj ngjarjeje, 21-vjeçari shqiptar do të dalë sërish para gjykatës më 3 qershor, pasi akuzohet për përdhunimin e një 19-vjeçareje invalide, bashkë me një 21-vjeçar rom.
Abuzimi seksual me 19-vjeçaren invalide, po në ishullin Rhodes, ndodhi vetëm 3 ditë pas vrasjes së Eleni Topaludhi, ndërsa akoma policia zhvillonte operacionin për identifikimin e trupit të pajetë që u gjet në brigjet e ishullit dhe vrasësve./Fjala.al/
