Kryeministri Edi Rama ka bërë me dije se këtë vit turizmi do të jetë i shqiptarëve, pasi sipas tij qeveria është duke u përpjekur që të hapë kufijtë për bashkëkombasit kudo që ndodhen.
Në një lidhje live në “Facebook”, Rama theksoi ndër të tjera se turizmi këtë vit do ketë limite dhe me protokolle sigurie shëndetësore prandaj edhe shqiptarët sipas tij teksa sot flasin për Suedinë nesër do të duhet të sillen si suedezë me rregullat.
“Linjat ajrore janë të mbyllura. Kemi një koridor ajror me Air Albania, sa hapet aplikimi rezervohen menjëherë.
Europa ka thënë që do hapen më 15 qershor, kurse disa vende do i hapin më herët. Ne do i shohim dhe duam t’i qëndrojmë objektivit që brenda majit të hapim të gjitha rrugët ajrore për gjithë shqiptarët kudo që jetojnë, edhe në funksion të turizmit.
Këtë vit do jetë turizmi i shqiptarëve. Shqiptarët nuk do të kujtohen për Suedinë, dhe thonë se ja si nuk u mbyll Suedia, por do të sillen si suedezë për rregullat.”-u shpreh Rama./Fjala.al/
