Ish-eurodeputetja, Doris Pack ka reaguar pas dhunës së ushtruar nga Policia e Shtetit ndaj gazetarëve, artistëve dhe qytetarëve. Përmes një postimi në ‘Twitter’, Pack shprehet se politikanët shqiptarë po sillen si në të kaluarën mizore të Shqipërisë.
Gjithashtu ajo shprehet se dhuna e ushtruar nga Policia e Shtetit është një turp për kryeministrin Edi Rama dhe kryebashkiakun Erion Veliaj.
‘Shqipëria do të fillojë negociatat me Bashkimin Europian dhe politikanët e saj po sillen si në të kaluarën mizore të Shqipërisë: Qindra forca policie erdhën, ushtruan dhunë kundër gazetarëve, artistëve, qytetarëve dhe shkatërruan teatrin kombëtar. Turp për Veliajn dhe shefin e tij Rama’, shkruan Pack.
