Në 24 orët e fundit është konfirmuar vetëm një rast i infektuar me koronavirus, duke shënuar numrin më të ulët qysh nga nisja e emergjencës së Covid-19.
Përfaqësuesja e Institutit të Shëndetit Publik, Adela Vasili, deklaroi se rasti pozitiv doli në Tiranë, nga 177 testime të kryera për të dyshuar të prekur, ndërkohë që në orët e fundit janë shëruar 15 qytetarë, të cilët e kanë mundur koronavirusin.
Shkon kështu në 742 numri i personave që janë shëruar nga sëmundja.
Ministria e Shëndetësisë ka bërë sot me dije se “në spitalin Infektiv, gjendja paraqitet e qëndrueshme prej ditësh me 15 pacientë të shtruar dhe vetëm 3 prej tyre në terapi intensive”.
Kujtojmë se prej më shumë se dy javësh fatmirësisht nuk kemi asnjë humbje jete.
Covid-19/Statistika (19 Maj 2020)
Testime totale 12899
Raste pozitive 949
Raste të shëruara 742
Raste Aktive 176
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)/b.b/Fjala.al
