Një valë e dytë e koronavirusit pritet të marrë hov në vendet evropiane. Këtë e ka deklaruar zyrtari më i lartë i OBSH-së në Evropë Dr. Hans Kluge.
Sipas Kluge, në një intervistë për prestigjozen “The Telegraph” vendet që kanë lehtësuar masat ndaj koronavirusit nuk duhet të festojnë por të jenë të vëmendshëm për një valë të dytë të këtij virusi.
Dr. Kluge u shpreh se edhe pse në Britani, Itali apo Francë numri i rasteve të reja me koronavirus është në rënie kjo nuk do të thotë se pandemia ka përfunduar.
Zyrtari i OBSH bëri të ditur se tashmë epiqendra e COVID-19 është në lindje, kryesisht në Ukraninë, Rusi, Bjellorusi dhe Kazakistan./Fjala.al
