Kryeministri Edi Rama, ka “masakruar” ditën e djeshme në Kuvend me fjalë botuesin e njohur të gazetës “Koha Jonë”, Nikollë Lesi. Rama që dikur ka qenë analist në këtë gazetë me shkrime dhe analiza të botuara rregullisht, ka lëshuar një rrebesh fjalësh ndaj ish-“shefit” të tij duke i kujtuar atij fshatin ku ka lindur dhe gazetën kur dikur e botonte në Lezhë.
“…Dhe ai mendonte me vete: Ahh sa të ngrihemi të gjithë që t’ju shporrim ju komunistëve, s’ka çfarë bëjë, do jem këtu do vazhdoj të bie si njeri dhe nuk do të rri si kuadër, por ama kur të vijë “Koha Jonë”, “Koha Jonë” dhe e Nikoll Lesit të Dytë, se i pari ishte një figurant i vogël tek gazeta e Lezhës, shkruante për rininë.
Por dhe ai shikonte këta dhe thoshte: Oh Zot, Oh Zot, po vjen dita e Shekspirit, po vjen dita kur… oh Zot! Nejse këto janë të vërteta, dhe vlejnë për t’ju thënë njerëzve: Ej, shifini se kush janë”, u shpreh Rama në fjalën e tij.
Ndërkohë ironisë së kryeministrit i është përgjigjur sot “Koha Jonë” duke u shprehur se Edi Rama është shndërruar në një njeri të tjetërsuar nga pushteti, ndërsa thekson se po të mos ishte gazeta nuk do e njihte njeri as në lagje./fjala.al
