Ambasadorja amerikane, Yuri Kim ka zhvilluar një takim me anëtarët e Kolegjit të Posaçëm të Apelimit, të cilëve u ka kërkuar vazhdimin e punës për procesin e vetting-ut. Kim thekson se SHBA mbështet reformën në drejtësi dhe se puna duhet të vazhdojë përpara pavarësisht pengesave.
Kolegji i Posaçëm i Apelit ka një punë të vështirë, por vettingu duhet të vazhdojë të tregojë përgjegjshmëri dhe të fitojë besimin e popullit shqiptar. SHBA mbështet reformën në drejtësi. Le të vazhdojmë përpara, hap pas hapi, pavarësisht pengesave”, shprehet Kim.
Pak ditë më parë, Luan Daci u largua nga detyra si anëtar i KPA-së për shkak të akuzës së falsifikimit të dokumentave. Për këtë çështje ka nisur hetimet SPAK-u.
