Mesa duket të protestosh për liri nuk qenka edhe kaq e thjesht. Pasojat e atyre që mbajnë një post publik dhe protestuan në mbrojtje të teatrit po dalin pas.
Anna Shkreli, vajza e zv.ministrit Artan Shkreli ka dhënë dorëheqjen nga posti si drejtore ekzekutive e Shtëpisë Muze “Ismail Kadare”.
Ka qenë një postim në profilin e Anna Shkrelit që ka shtuar zërat për dorëheqjen e saj për shkak se mori pjesë në protestën e aktorëve dhe artistëve për shembjen e Teatrit Kombëtar.
“Ne orën time te zeze mendova se njerëzit per liri kanë dhënë jetën. New beginnings”, shkruan Anna Shkreli në rrjetin social.
Ndërkohë, miqtë e saj i urojnë suksese Anna Shkrelit në rrugën e saj, duke konfirmuar kështu dorëheqjen.
Anna Shkreli është vajza e zv.ministrit socialist Artan Shkreli dhe ish-deputetes socialiste Ledi Shamku.
Kujtojmë se, zv. ministri Artan Shkreli është një nga personazhet që nuk ka reaguar për shembjen e Teatrit pavarësisht “presionit” mediatik. E mesa duket, e bija, ka vendosur të reagojë e para përmes dorëheqjes.
b.gj/fjala.al
