Para shpërthimit të koronavirusit, Kina u përball me kritika të shumta për politikat e saj në të gjithë globin.
Mosrespektimi i rregullave të Organizatës Botërore të Tregtisë për subvencionet, vjedhja e pronës kontribuoi në një luftë tregtare me Shtetet e Bashkuara të Amerikës.
Tani, pas përhapjes së koronavirusit në botë, Kina po përballet me akuza të reja.
Kina ishte në dijeni të virusit Covid-19 që në mesin e muajit nëntor, por e informoi Organizatën Botërore në fund të muajit dhjetor.
Ekzistojnë informacione se punëtorët e laboratorit atje kishin urdhëruar shkatërrimin e mostrave të virusit, ndërsa personat që tentuan të lajmëronin botën për rrezikshmërinë e këtij virusi, u kërcënuan dhe u zhdukën.
Pra si mund të merremi me Kinën, veçanërisht pasi një reagim shtypës dhe dezinformues i është përgjigjur kritikës ndërkombëtare e cila ka kërkuar të hetojë mbi përhapjen e Covid-19?
Kina, si ekonomia e dytë më e madhe në botë, do të mbetet një treg i rëndësishëm eksporti për mallrat dhe shërbimet në botë.
Edhe administrata e Trump në SHBA nuk dëshiron të mbyllë një treg fitimprurës për fermerët amerikanë.
Por nëse Kina dëshiron të jetë partner në sistemin global të tregtisë, ajo duhet t’i përmbahet rregullave globale.
Sekretarja e Tregetisë u shpreh se kur bëhet fjalë për sigurinë tonë kombëtare, ne nuk mund të lejojmë që ajo të cënohet.
Kjo është arsyeja pse një numër i madh deputetësh votuan kundër përfshirjes së teknologjisë kineze ‘Huawei’ në rrjetin e të dhënave 5G.
Kina është në një udhëkryq dhe duhet të vendosë nëse me të vërtetë dëshiron të bëhet partner në bashkësinë globale.
Kjo zgjedhje është në duart e tyre. Siguria kombëtare është prioriteti kryesor.
Të gjithë shpresojmë që Kina të bëjë reformat e nevojshme dhe të marrë rrugën e duhur.
Por shpresa nuk është një bazë e mirë për politikën e jashtme./Fjala.al/Përshtati:Kamela Liko/Burimi: The Sun
