Gjykata e Posaçme kundër Krimit dhe Korrupsionit, i komunikoi pezullimin nga detyra, por Luan Daci, anëtari i Kolegjit të Posaçëm të Apelimit e ankimon vendimin.
Ai ka deklaruar se “Nuk kam falsifikuar asnjë dokument dhe nuk kam shkelur ligjin”.
Me këtë argument Daci kërkon heqjen e masës së pezullimit, në mënyrë që të ushtrojë detyrën në KPA.
Gjithçka, pasi prokuroria e posaçme SPAK, e akuzon për falsifikim dokumentash.
Kjo pasi u provua se gjyqtari ka falsifikuar dokumentet, pasi në vitin 1997 ai është larguar nga puna për paaftësi.
Pas kërkesës së tij, Gjykata ka 10 ditë kohë për të shfuqizuar vendimin e dhënë, ose për të rrëzuar kërkesën e Dacit.
