Nuk janë të paktë ata që këto ditë kanë hedhur dyshime se mes PD dhe PS ka një marrëveshje për të zbatuar sistemin zgjedhor me lista të mbyllura duke përjashtuar atë të listave të hapura të kandidatëve për deputetë. I pyetur për emisionin HARD TALK NGA ROLAND QAFOKU, për Grupin Mediatik “FJALA”, Oerd Bylykbashi deklaroi prerë se nuk ka asnjë marrëveshje të tillë.
-Zoti Bylykbashi, a ka një marrëveshje midis PD dhe PS për të pasur atë sistem zgjedhor që dy liderët e mëdhenj duan të kenë?
-Ajo që unë mund t’iu garantoj ju, dhe unë zakonisht kur garantoj vë fytyrën time, por e keni të thënë nga kryetari i partisë demokratike dhe lideri i opozitës, e keni të dëgjuar nga partnerët tanë në koalicion, nuk ekziston asnjë marrëveshje, as për sistemin zgjedhor dhe as për një çështje tjetër, ku ndahen interesa midis dy kampeve. Ne jemi bërë ky front dhe Edi Rama ka mbetur i vetëm, pikërisht për të qërruar nga pushteti Edi Ramën./Fjala/k.b
https://www.youtube.com/watch?v=yox9cREcvJM
