Thesari i pacenuar arkeologjik, i cili ndodhet pranë Veronës, mund të datojë në shekullin III pas Krishtit, thonë ekspertët.
Nga Leonard Veizi
Mozaiku u zbulua disa metra nën dhe, shumë pranë një rreshti hardhish, vetëm një javë pasi rifilloi puna pas mbylljes nga koronavirusi.
Ruajtur në mënyrën më të përsosur, mozaiku gjendet në dysheme i shtrirë, në afërsi të qytetit verior të Veronës në Itali.
Arkeologët u befasuan nga ky zbulim, të cilit i rikthehen gati një shekull më pas në mbetjet e një vile, të cilat besohet se datojnë në shekullin e 3-të pas Krishtit. Zbulimi është bërë në një zonë kodrinore mbi qytetin Negrar të Valpolicella.
Pas zbulimit në vitin 1922, siti u la kryesisht i braktisur derisa një ekip nga mbikëqyrësit e arkeologjisë, arteve të bukura dhe peizazhit të Veronës rifilloi gërmimet verën e kaluar. Ekipi u kthye në këtë vend gjatë muajit tetor dhe përsëri në shkurt, para se gërmimet të pezulloheshin, për shkak të pandemisë koronavirus.
Mozaiku u gjet disa metra nën një rresht hardhish, një javë pasi rifilloi sërish puna.
“Pas dekadave të panumërta dhe përpjekjeve të dështuara, një pjesë e dyshemesë dhe themeleve të vilës romake, të vendosura në veri të Veronës, zbuluar nga studiuesit një shekull më parë, më në fund u nxorën në dritë,” shkruajnë autoritetet nga qyteti Negrar i Valpolicella në faqen facebook të qytetit.
“Mbikëqyrësit do të vendosin tani kontaktet me pronarët e zonës dhe bashkisë për të identifikuar mënyrat më të përshtatshme për ta ribërë këtë thesar arkeologjik, i cili gjithmonë ka qenë i fshehur nën këmbët tona, i gatshëm dhe i arritshëm”.
Roberto Grison, kryetari i komunës së Negrar të Valpolicella, tha për gazetën lokale L’Arena: “Ne besojmë se një sit kulturor me këtë vlerë meriton vëmendje dhe duhet të përmirësohet. Për këtë arsye, së bashku me shefin e mbikëqyrjes dhe ata që janë përgjegjës për fondet bujqësore, do të gjejmë një mënyrë për ta bërë këtë thesar të kënaqshëm.”
Gurët dekorativë, që datojnë 2000 vjet, u zbuluan gjithashtu pas një zgavre të hapur në rrugë, para Panteonit në Romë, gjatë mbylljes prej koronavirusit.
Shtatë pllakat u gjetën 2,5 metra nën tokë në Piazza della Rotonda. Edhe pse gropat janë një problem i zakonshëm në Romë, për fat të mirë, sheshi ishte i zbrazët në kohën kur u shemb trotuari në prill.
Sitet kulturore të Italisë po rikthehen në aktivitetin e tyre me ngadalë, duke nisur me parkun arkeologjik të Pompeit, i cili rihapet të martën. Parku u rihap nën masat e sigurisë në vend, përfshirë kontrollet e temperaturës, ndërsa çmimi i hyrjes është ulur në 5 €.
Koloseu do të rihapet në 1 qershor, me vizitorë të detyruar t’i blejnë biletat në internet, të vënë maska dhe të kontrollojnë temperaturën e tyre përpara se të hyjnë.
Burimi: theguardian.com
