Janë zbardhur detaje të reja nga atentati me armë zjarri mbrëmjen e djeshme në Laç.
Mësohet se viktima është shtetasi Bujar Lika (Hasani) 37 vjeç, ndërsa të plagosur kanë mbetur Paulin Gjergji 53 vjeç dhe Kreshnik Tusha 21 vjeç. Mësohet se Paulin Gjergji ndodhen në spitalin e Traumës në Tiranë, në gjendje të rëndë shëndetësore, ndërsa Kreshnik Tusha ndodhet në spitalin e Laçit me plagë të rënda në pjesën e poshtme të trupit.
Dyshohet se i plagosur ka mbetur dhe atentatori, i cili ende nuk është identifikuar. Pranë trupit të viktimës është gjetur një armë, që nuk dihet nëse është përdorur gjatë shkëmbimit me armë zjarri.
Ngjarja ka ndodhur në superstradën Lezhë-Mamurras në hotelin “AA” në afërsi të Kryqëzimit të Gjormit./E.B./Fjala.al
