Një 44-vjeçar nga Tirana ka rënë në prangat e policisë, pasi akuzohet se në bashkëpunim me persona të tjerë ka vjedhur banesën e bashkëjetueses së tij, ndaj së cilës ka ushtruar edhe dhunë fizike, në menyrë të vazhdueshme.
Pas hekurave ka përfunduar shteasi me iniciale K.A. Sipas burimeve zyrtare, gjithashtu dhe gjatë kontrollit në banesën e këtij shtetasi, policia ka gjetur një thikë dhe 3 shkopinj bejsbolli.
Mbi 44-vjeçari rëndojnë akuzat për veprat penale “Vjedhja”, e kryer në bashkëpunim, “Dhuna në familje” dhe “Prodhimi, mbajtja, blerja apo shitja pa leje e armëve të ftohta”
Gjatë veprimeve të para hetimore është proceduar penalisht në gjendje të lirë edhe shtetasi B. L., 33 vjeç, i dyshuar si bashkëpunëtor në vjedhje, të cilit gjatë kontrollit të banesës iu gjet një armë gjahu që e mbante pa leje.
Materialet i kaluan Prokurorisë së Rrethit Gjyqësor Tiranë, për veprime të mëtejshme./E.B./Fjala.al
