Endri Fuga, këshilltar për Mediat i kryeministrit Edi Rama, nuk ka mohuar vizitën e këtij të fundit në Paris dhe sqaron se ajo ka zgjatur 24 orë. Ishte Gazment Bardhi i Partisë Demokratike, i cili akuzoi mesditën e sotme Ramën se fundjavën po e kalon në Paris, duke përdorur një avion të ‘Air Albania’.
Fuga nuk ka mohuar as përdorimin e avionit të ‘Air Albania’, për të cilin thotë se ekziston një marrëveshje e posaçme me kompaninë, pa qëllime fitimi, për ta përdorur vetëm për arsye pune.
“E turpshme akuza për udhëtimin 24orësh të KM në Paris me avionin, që siç e kemi sqaruar publikisht, përdoret veç për arsye pune, bazuar në një marrëveshje të posaçme me AIR ALBANIA pa qëllim fitimi. Ata që akuzojnë mesa duket vetëm këto që shpifin për ne kanë bërë kur qeverisnin”, shkruan Endri Fuga.
-Denoncimi: “Rama po kalon fundjavën në Paris, me avionin e Air Albania”
