Katër persona kanë përfunduar në pranga nga policia e Lezhës në kuadër të operacionit “Gjadëri”, pasi akuzohen për trafikim të lëndëve narkotike.
Pas hekurave kanë përfunduar shtetasit K. D., 23 vjeç, dhe K. T., 50 vjeç, banues në Shkodër si dhe K. L., 28 vjeç, dhe A. T., 32 vjeç, banues në Vlorë.
Burime zyrtare njoftojnë se jatë kontrollit të mjetin tip “BMW” në fshatin Gjadër, Lezhë, me drejtues shtetasin K. D. është gjetur në sediljen e pasme dhe në bagazh, 95 kg lëndë narkotike, e dyshuar cannabis sativa. Nga veprimet hetimore rezultoi se mjeti tip “BMW” që transportonte lëndën narkotike paraprihej nga 2 mjete të tjera, me qëllim vënien në dijeni në rast konstatimi të pikave të kontrollit nga ana e Policisë dhe në to ndodheshin tre shtetasit e tjerë. Droga ishte nisur nga Vlora në drejtim të Shkodrës, me qëllim trafikimin. Gjithashtu, nga kontrolli i ushtruar në të tre mjetet njoftohet se janë gjetur dhe 11.000 euro.
Të katër shtetasit janë arrestuar nën akuzën për veprën penale “Prodhimi dhe shitja e narkotikëve, kryer në bashkëpunim”.
Policia, nën drejtim e Prokurorisë po punon për dokumentimin e plotë të kësaj ngjarjeje, identifikimin dhe kapjen e personave të tjerë të përfshirë në këtë rast të tentativës për trafikim të lëndëve narkotike.
Materialet iu referuan Prokurorisë, për veprime të mëtejshme./E.B./Fjala.al
