Mbretëresha Elizabeta është shfaqur për herë të parë që pas izolimit në kështjellën Windsor, ku do të qëndrojë në karantinë deri në fund të pandemisë. Monarkja 94 vjeçare është shfaqur duke kalëruar, një nga pasionet më të dashura për të.
Windsor është kështjella e preferuar e mbretëreshës dhe atje ajo ka mundësinë të kalërojë një nga ponit e saj të preferuar, 14 vjeçarin Balmoral Fern.
Kjo është hera e parë që mbretëresha del në ambientet e jashtme të kështjellës në 10 javët e fundit. Por duket se monarkia vendosi të shfrytëzojë fundjavën me diell ndërsa mbante edhe një shall me ngjyra në kokë.
Kreu i stafit të Elizabetës e shoqëronte në këtë shëtitje nëpër kështjellë por të dy ruanin distancën sociale nga njëri-tjetri.
Edhe pse e izoluar gjatë 10 javëve të fundit, kryeministri Boris Johnson i ka raportuar mbretëreshës çdo javë përmes rrjeteve sociale, për të shmangur kontaktin me të por ende nuk dihet se kur Mbretëresha do të kthehet në krye të punëve shtetërore./fjala.al
