Kylie Jenner raportohet se ka shpenzuar më shumë se 130 milionë dollarë për vila luksoze e udhëtime me charter, pak përpara lajmit të publikuar nga prestigjozja Forbes, se 22 vjeçarja ka gënjyer për statusin e saj si “miliardere”.
Sipas Forbes, Kylie ka gënjyer prej vitesh dhe absolutisht nuk mund të quhet miliardere.
Siç raportohet në media, Kylie ka shpenzuar shuma marramendëse në vila, prona dhe udhëtime luksoze.
Madje ajo ka udhëtuar vetëm për ditëlindjen e vajzës së saj Stormy, me një avion privat të linjës Global Express Jet, duke shpenzuar 50-70 milionë dollarë. Burime pranë saj bëjnë me dije se vetë motrat e saj janë të shqetësuara për shpenzimet e më të voglës mes tyre.
Vetëm gjatë vitit 2019, Kylie ka shpenzuar më shumë se 130 milionë dollarë. Vetëm 2 muaj më parë, biznesmenia 22 vjeçare bleu shtëpinë e saj të re në Holmby Hills në Kaliforni për shumën e 35.5 milionë dollarë.
Por arkitektin e ka paguar edhe 15 milionë dollarë më shumë për t’i ndërtuar një shtëpi të re ngjitur me atë ekzistuesen.
3.2 milionë dollarë ajo pagoi edhe për tokën në Madison Club në Palm Beach, për të ndërtuar një tjetër shtëpi ngjitur me nënën e saj Chris Jenner.
Kylie konsiderohet si më ekstravagantia ndër motra, duke shpenzuar mijëra dollarë për dhurata e festa.
Gazetarët e revistës Forbes publikuan javën e shkuar një raport, në të cilin theksonin se kishin përllogaritur edhe një herë të ardhurat fitimet e shpenzimet e Kylie Jenner dhe theksuan se 22 vjeçarja nuk e gëzon aspak statusin e miliarderes, përkundrazi./Fjala.al/k.b
Burimi: The Sun
