Ambasadorja e Shteteve të Bashkuara në Tiranë, Yuri Kim ka dhënë një deklaratë për mediat pas takimit me anëtarët e Këshillit Politik për reformën zgjedhore.
Diplomatja amerikane deklaron se të gjitha palët duhet të japin diçka, për të fituar. Më tej ajo shtoi se nëse palët në Këshillin Politik nuk gjejnë konsensus për pikat e rekomanduara nga OSBE-ODIHR, atëherë nuk duhet të vazhdojnë më
“Që të tre kemi harxhuar rreth 3 orë me anëtarët e Këshillit Politik. Ka qenë një ditë e gjatë dhe e vështirë, por kemi bërë përparim. Kjo ka qenë e vështirë për të gjitha palët dhe të gjithëve iu është kërkuar që të japin diçka, që të fitojnë të gjithë. Shqipëria është në një fazë kritike të saj dhe 25 marsi ishte një pikë kthese, është një votim për të ardhmen e Shqipërisë në Evropë. BE ka vendosur kushtet, ku një prej tyre është dhe reforma zgjedhore. Kështu që qëllimi ynë është që Shqipëria të përmbushë të gjitha rekomandimet e ODIHR që të bëhet anëtare me të drejta të plota në BE.
Nëse palët nuk arrijnë në konsensus për këto pika të cilat ODIHR ka kërkuar, atëherë palët nuk duhet të vazhdojnë më. Sikurse e kam thënë, ne duam që Shqipëria të jetë në BE dhe Shtetet e Bashkuara do të bëjnë gjithçka me fuqitë e tyre për ta ndihmuar.” – deklaroi ambasadorja Yuri Kim./E.B./Fjala.al
