Mund të kuptojmë se sa para shpenzojnë dhe çfarë jete bëjnë anëtarët e familjes Kardashian, thjesht duke parë serialin e tyre “Keeping un with the Kardashians”. Të gjithë pjesëtarët e saj janë yje të modës, showbizit, biznesit e muzikës dhe në dekadën e fundit, familja Kardashian ka treguar se ndjek politikat e “dyerve të hapura”.
Të gjithë jetojnë në shtëpi marramendëse, me vlerë miliona dollarë, duke nisur nga Kim dhe shtëpia e saj në Casablancas, në Los Anxhelos. Gjithçka është ideuar nga dizenjatori Axel Vervoodrdt, i cili ka dizenjuar edhe shtëpitë e të famshmëve Calvin Klein, Bill Gate e Robert de Niro.
Shtëpia e Kim ruan ngjyra minimaliste, me një arkitekturë të jashtëzakonshme. Vetëm rinovimi i saj kushtoi 20 milionë dollarë, po aq sa është blerë vila në 2014, me sipërfaqe totale 15 mijë metra katrorë.
Kim zotëron edhe një vilë me 3 mijë hektarë tokë me 2 liqene pjesë të saj, në Wyoming. Bëhet fjalë për një fermë të tërë që kushton 14 milionë dollarë. Po ashtu moderne, me vlerë 15 milionë dollarë, është edhe shtëpia e Khloe, po ashtu në Casablanca.
Parajsë e vërtetë është cilësuar edhe shtëpia e Kourtney, me vlerë 10 milionë dollarë. Ajo përbëhet nga 6 dhoma të mëdha gjumi, një pishinë gjogande, kopësht dhe pamje fantastike, shtrirë në 186 hektarë tokë. Shtëpia e Kendall Jenner kushton 8 milionë paund dhe gjendet në Beverly Hills.
Vila ka pamje nga Los Anxhelos dhe përbëhet nga 4 dhoma gjumi, një gardërobë gjigante, dhomë ndenje dhe salloni që të nxjerr më pas tek pishina, rrethuar nga pemë të gjata. E gjithë sipërfaqja e saj është 4800 metra katrorë.
Dhe së fundmi, më e shtrenjta njëkohësisht është Kylie, shtëpia e së cilës vlen 40 milionë paund dhe pozicionohet në Holmby Hills të Los Anxhelos. Mega vila ka në përbërje edhe një kinema private, fushë tenisi dhe një bar të hapur./l.m/Fjala.al
