Gjykata e Posaçme e Apelit kundër Korrupsionit dhe Krimit të Organizuar ka vendosur të rikthejë në detyrë anëtarin e Kolegjit të Posaçëm të Apelimit, Luan Daci, duke shfuqizuar vendimin e 24 majit të Gjykatës Kundër Korrupsionit dhe Krimit të Organizuar.
Prej të hënës, Luan Daci mund të rikthehet në detyrë si komisioner i procesit të vettingut.
Ai u pezullua nga detyra e anëtarit të KPA-së pasi po hetohet nga SPAK pas kallëzimit se ai ka fshehur shkarkimin si gjyqtar nga Këshilli i Lartë i Drejtësisë në vitin 1997.
Hetimet për të do vijojnë, ndërkohë që kjo nuk do ta pengojë atë të ushtrojë detyrën pranë KPA-së./E.B./Fjala.al
