Shtyhet për të dhjetën herë seanca për Arbër Çekaj, Donaldo Lushaj dhe Armand Pezaku.
Të pandehurit akuzohen për trafikun e 613 kg kokaine në kontenier në portin e Durrësit. Avokati i Armand Pezakut, Ardian Visha kërkoi veçimin e çështjes.
Në fjalën e tij avokati u shpreh se kemi konkluzionet gati që në 26 dhjetor dhe seancat shtyhen. Kërkesa e avokatit është rrezuar nga gjykata.
Kujtojmë se në fund të muajit shtator, Gjykata e Krimeve të Rënda pranoi kërkesën për gjykim të shkurtuar ndaj tre të pandehurve.
Sipas prokurorit të çështjes, Arbër Çekaj, pronari i kompanisë “Arbri Garden”, kishte si rol transportin e lëndës narkotike nga Kolumbia deri në Shqipëri, ndërsa dy të pandehurit ishin përzgjedhur prej tij për të marrë ngarkesën nga Durrësi, duke e dërguar në magazinën në Shijak ku dhe u kap nga policia./B.L/Fjala.al
