Një ngjarje paksa e pazakontë i ka ndodhur Scott Morrison, kryeministrit të Australisë, teksa prezantonte paketën e katërt për të stimuluar ekonominë e vendit.
Një banor i kërkoi kryeministrit dhe mediave që të largoheshin nga kopshti i tij.
“Mund të largoheni nga bari im. Ju lutem, sapo ka mbirë”, dëgjohet të thotë personi nga dera e banesës së tij në një zonë të quajtur Googong.
Morrison udhëtoi në një kantier ndërtimi shtëpish, 28 kilometra në jug të qytetit Canberra për të njoftuar se qeveria e tij do të shpenzojë rreth 700 milionë dollarë australianë për të mbështetur sektorin e ndërtimit./Fjala.al/k.l
