Gjatë inspektimit në doganën e Hanit të Hotit ministri i Brendshëm Sandër Lleshaj ka reaguar për arrestimin e shefit të komisariatit në Fushë Arrëz me akuzën e përdhunimit.
Lleshaj e cilësoi sjelljen e zyrtarit të policisë si gjest të ulët dhe kriminal.
Fjala e plotë
Gjest i ulët! Jemi të gatshëm për të goditur me të gjithë forcën e ligjit. Është për të ardhur keq që ata që janë caktuar për të ruajtur qytetarët janë agresorë të tyre. Rasti ka ndodhur në vitin 2015 dhe më parë. Një vajzë ka rënë pre e dhunës nga edukatorët e shtëpisë së fëmijët. Ndoshta ka ardhur koha për rishikuar qasjen ndaj mbrojtjes së viktimave duke shtuar penalitetet. Duhen shtuar në ekstrem penalitetet për kujdestarët. Dëmi dhe gjëma na ka ardhur prej atyre që zëvendësojnë prindërit. Është çështje sensibilizimi dhe duhet të reflektojmë thellë për t’u distancuar nga këta persona që ndoshta nuk e mendojnë as emrin njeri. Kemi reaguar pas sinjalit të parë. Dënimi me vdekje? Në Shqipëri është “i vdekur”. nuk është ky mekanizmi. I kam ndjekur me trishtim këto ditë rastet dhe lajmet e prostitucionit ku pasqyrohen të gjitha dialogjet me precizon pervers. Është më rëndësi dhe i bëj thirrje mediave që t’i ruajnë rastet dhe detajet sepse kështu viktimat frenohen për të denoncuar. Pa denoncim nuk mund të ketë reagim.
gj.b/fjala.al
