David Beckham është në bisedime me BBC dhe Netflix për të nisur një emision të vetin, dedikuar kuzhinës dhe gatimit.
Ish- futbollisti i vijon negociatat për një kontratë të majme nga shtëpia, ku vijon të qëndrojë në izolim bashkë me familjen ndërsa përgjatë ditëve të karantinës i ka dhuruar fansave përmes fotove, disa nga preferencat dhe delikatesat që ai ka përgatitur për familjen.
Por tashmë 45 vjeçari ka zgjedhur që aftësitë e tij në kuzhinë dhe mbi të gjitha krijimtarinë, ta ndajë me të tjerët përmes një shfaqjeje, frymëzuar nga miku i tij Gordon Ramsey.
Prodhuese e shfaqjes që më pas pritet të transmetohet në BBC dhe Netflix, do të jetë kompania e tij mediatike, Studio 99, e themeluar në 2019-ën.
Vetë Beckham thotë se gatimi me të bijën Harper gjatë pandemisë e bindi plotësisht për këtë ide. Një mik i tij tha për “The Sun” se David është i apasionuar veçanërisht pas pjekjes dhe këto ditë ka perfeksionuar recetat e nënës së tij/Fjala.al/k.b
Burimi: DailyMail
