Aksident me pasojë katër shqiptarë të plagosur është regjistruar në shtetin fqinj, Greqi.
Sipas mediave greke, ngjarja ka ndodhur rreth orës 02:00 në rrugën Lamia-Moschochori, por fatmirësisht të plagosurit janë jashtë rrezikut për jetën.
Sipas raportit, shoferi 42-vjeçar i një automjeti tip “Skode” ishte duke lëvizur nga Lamia në Moschochori, kur sheh një traktor të madh që po dilte nga një rrugë dytësore dhe përpiqet ta shmangë atë.
Fatkeqësisht, në të njëjtën kohë, një fermer me katër shtetas shqiptarë po kalonte në korsinë nga ana e kundërt në atë moment.
Shoferi i ‘Skodës’, pavarësisht sa u mundua të shmangë përplasjen, nuk ia ka dalë dot dhe godet makinën tjetër e cila përfundon në përrua së bashku me katër pasagjerët.
Tre shqiptarët arritën të dilnin menjëherë pas përplasjes, por njëri prej tyre u bllokua brenda në makinë.
Fatmirësisht ardhja e zjarrfikësve dhe e policisë, bënë të mundur që edhe personi i katërt të dilte në gjendje të mirë shëndetësore nga automjeti i aksidentuar.
Policia e cila ka shkuar në vendin e ngjarjes po punon për zbardhjen e plotë të aksidentit./b.b/fjala.al
