Një tjetër shtet që nuk ka më asnjë rast aktiv më koronavirus është dhe Zelanda e Re. Për këtë arsye ky shtet ka vendosur që t’i heqë pothuajse të gjitha masat kundër koronavirusit.
Në këtë shtet distancimi fizik nuk do të kërkohet më dhe nuk do të ketë kufizime në tubimet publike, por kufijtë do të mbeten mbyllur.
“Vendosmëria që kemi pasur në përgjigjen tonë shëndetësore, tani do të përqendrohet në rindërtimin tonë ekonomik”, deklaroi kryeministrja Jacinda Ardern.
Kujtojmë se Zelanda e Re ka konfirmuar 1,154 raste me koronavirus dhe 22 viktima. Vendi ishte i izoluar që prej 25 marsit, duke mbyllur shumicën e bizneseve dhe shkollat, ndërsa njerëzve u është thënë të qëndrojnë në shtëpi.
l.m/Fjala.al
