Një punonjës i repartit ushtarak ka shitur për skrap 1 ton gëzhoja predhash, në këmbim të parave.
Policia e Shijakut thotë se në vijim të punës për parandalimin e vjedhjeve dhe sekuestrimin e sendeve të përfituara në mënyrë të paligjshme, gjatë kontrollit të ushtruar në një pikë skrapi në Maminas, janë gjetur dhe bllokuar 1 ton gëzhoja predhash.
Bëhet fjalë për gëzhoja me vlerë rreth 2 milionë lekë të vjetra, të cilat u zbuluan gjatë së dielës.
Nga hetimet e kryera, u bë arrestimi i R. Q., 30 vjeç, banues në Qerret, punonjës në pikën e skrapit.
Gjithashtu janë kryer veprimet nga ana e Policisë Ushtarake për G. L., 32 vjeç, banues në Paskuqan, Tiranë, me detyrë punonjës në repartin ushtarak, Shijak, i cili i ka shitur shtetasit R. Q., gëzhojat e bllokuara./b.b/fjala.al
