Maxhoranca avancon dhe i propozon presidentit një datë për zgjedhjet e ardhshme. Kreu i grupit parlamentar Taulant Balla në një prononcim për median propozoi datën 9 maj 2021.
“9 maj 2021 do të ishte datë kuptimplotë. Mendoj kur presidenti i Republikës të mendojë për datën e zgjedhjeve të shqyrtojë edhe këtë datë dhe ne socialistët jemi dakord. Që data e fitores mbi fazhizmin apo dita e Europës të jetë dita kur shqiptarët të shprehen me vullnet të lirë”, u shpreh Balla.
Ndërsa lidhur me opinionet e Venecias Balla tha se i qëndron strikt asaj që është thënë më herët duke i sugjeruar çdo institucioni dhe Presidentit të mos komentojnë draftet e papërfunduara.
“Dua t’i qëndroj strikt asaj që kemi thënë. I sugjeroj çdo institucioni tjetër përfshirë dhe institucionit të presidentit kurrë të mos komentojnë draftet e papërfunduara por të presin opinionet përfundimtare.
Pas dy javësh do kemi opinionet përfundimtare. Komisioni i Venecias do të zhvillojë seancën për dy drafte, njëri i kërkuar nga institucionet shqiptare. Dua të falënderoj Këshillin e Europës dhe dy këshilltarët që kanë kërkuar opinionin e Komisionit të Venecias.
Ju ftoj të mos bëni lapsuse kur thoni ‘opinioni paraprak ka rrëzuar…’ Sa kohë është paraprak nuk rrëzon. Bashkëndaj vlerësimin e ambasadës së SHBA-ve që kurrë të mos bëjmë vlerësime apo opinione mbi opinione paraprake”, deklaroi Balla./b.b/fjala.al
