Avokati i Ragip Hajdinit, 50-vjeçarit të njohur me nofkën “Daja” i akuzuar si bashkëpunëtor në grabitjen e Rinasit, Baftjar Rusi deklaroi sot para mediave se familja e të ndjerit do të bëjë kallëzim penal për Drejtorinë e Përgjithshme të Burgjeve dhe burgun 302.
Rusi shprehet se institucioni i burgjeve nuk është kujdesur fare për shqetësimet e tij shëndetësore.
“Institucioni i burgjeve nuk është kujdesur fare për shqetësimet e tij shëndetësore. Nuk janë lejuar familjarët për ta parë, është bërë protestë te 302 që ai të transferohej në Spitalin e Traumës për kurim.
Një masë e madhe tumorale i është hequr nga trupi, por që nuk arriti ti mbijetoj. Presim ekspertizën për të zbuluar shkakun e vdekjes dhe për të bërë kallëzimin penal”, tha Rusi.
Sipas avokatit, “Daja” është trajtuar me vonesë, dy muaj, pasi sëmundja agravoi. Në lidhje me grabitjen e 9 prillit, Rusi thotë se Ragip Hajdini nuk e ka pranuar asnjëherë të ketë patur lidhje./b.b/fjala.al
