Kryeministri Edi Rama ka bërë me dije sot se vendi ynë ka marrë një vlerësim goxha të kënaqshëm nga tregjet e kapitaleve.
Gjatë një konference për mediat me ministrat Anila Denaj dhe Arben Ahmetaj, Rama bëri me dije se nga lajmi i marrë ditën e djeshme është bërë ndryshimi i planit ekonomik deri në 2030-ën, i cili tashmë quhet “Shqipëria 2030”.
Rama ka theksuar se Shqipëria ka përfituar shumë dje nga dalja në tregjet e kapitaleve.
“Do të kemi një plan të ri kombëtar ‘Shqipëri 2030’. Shqipëri ndryshe nga vendet e tjera del nga dy goditje njëra pas tjetrës. Sapo të jemi gati në javët në vijim për planin e ri do bëjmë prezantimin e tij, siç ka bërë me dije ministri, Ahmetaj, nuk do te jetë një plan zhvillimi në letër, por do të jetë një plan veprimi i kalendarizuar në afat shkurtër, të mesëm dhe të gjatë.
Ajo që ka ndodhur dje me Shqipërinë në tregjet e kapitaleve është ajo që ndodh me çdo vend kur del në tregjet e kapitaleve, që merr vlerësimin me situatën në aspektin në të gjitha tregjet ekonomik, merr vlerësimin me riskun.”-ka thënë kreu i qeverisë.
Më tej, Rama ka theksuar se vendi ynë ka marrë një borxh prej 658 milionë euro që do të shlyhet për 7 vjet dhe 3,625 % interes.
“Vendi ynë ka marrë 658 milionë borxh për 7 vjet, që do të shlyhet me vetëm 3, 625% interes”-theksoi ai.ka.ta/Fjala.al/
https://www.facebook.com/edirama.al/videos/256611832098929/
