Skenaristi dhe prezantuesi i njohur Pandi Laço është bërë nostalgjik. Ai kujton me mall ririn në kohën e komunizmit.
Në rrjetin social “Facebook” ai ka publikuar një poezi që e ka shkruar për të kujtuar se çfarë bënte rinia në kohën e komunizmit.
Ndjekësit e tij në rrjetet sociale e kanë pritur shumë mirë këtë poezi.
“Përgëzime Pandi Laco për këtë përmbledhje detajesh të rinisë tonë”, shkruan dikush. “Më solle në ato vite,faleminderit,” shkruan një tjetër.
“Bravo se me këto copëza të vogla jete që kemi kaluar, na ringjalle rininë tonë që brezi i sotëm nuk e kupton dot kurrë” komenton një tjetër.
Të shumtë janë ata që i japin notën 10-të Pandit për këtë poezi.
Poezia e plotë e Pandi Laços
Valle a e di ku ndodhej Bordura ?
Qe Muri kinez nuk ishte natyrisht…!
Shpresoj ke degjuar ku shkrihej rinia,
Pasione e dashuri, djegur cmendurisht!
Nese do te pyes ku ish’ pasarela
Ti “Breshken” s’e njeh, as Pisten karshi!
Aty behej moda, s’kish yje e Vip-a,
Durrsake, tiranas, …te ndiznin zili !
Nuk kishte as butike, stiliste aq me pak
Nuk kishte make-up, Botox e liftin’
Disa marinare per dy-tre dollare
Gjithe sharmin e botes ta jepnin shkelqim !
Po valle a e di cdo te thote “Portative”
Un’ idhujt e mi mund ti prekja me dore
Jo s’ka pse me duhet Real, Barcelona
Me mjafton “Tirona” me shume meteore
Ti ndoshta vec zell ke patur per shkolle
E ndoshta s’e njeh “Another brick in the wall”
Per nje “Hit-pareid” nje ore ne fund
Te lesh dhe mesimin per ty eshte absurd!
Vall a ke takuar Madam Bovari ?
Po libra “te verdhe” ke shkembyer diku ?
Nese ndonjehere nuk ke qene ” Bel- Ami”!
Me vjen keq per ty, ti asgje nuk di !
Te dehesh i kthjellet, ne pije “kacurrel”
Te kendosh “Satisfaction” , te ndihesh rebel!
Tek parku “Rinia” te flesh ne nje stol
Tek “fushat e zeza” te coptohesh per gol!
Te lahesh tek “Zadrat” ne vjeshte e pranvere!
“Dy njerez te nje qyteti” te shohesh nente here !
Te ngasesh I cmendur vec nje biciklete
Te shkosh ne takim, per te ndare nje sekret !
…. “Valle a e di?”
