Gjykata Tiranës vendos të ekstradoje në Gjermani shtetasin nga Taxhikistani Kumiron Zukurov, i arrestuar rreth një muaj më parë me kërkesë të autoriteteve gjermane, pasi akuzohej se do kryente në këtë vend akte terroriste.
24-vjeçari dyshohet se është pjesë e ISIS. Kërkesa për ekstradimin e të riut u pranua me kushtin që ai të mos ekstradohet në Taxhikistan, pasi sipas tij atje i rrezikohet jeta.
Në datën 2 maj, gjykata caktoi masën e sigurisë “arrest në burg” për 24-vjeçarin Komron Zukhurov, i dyshuar si anëtar i një celule terroriste të ISIS në Gjermani.
Zukhurov, i njohur edhe me emrat Brugeman Komron dhe Komron Zuhurov, u arrestua në Tiranë, në zbatim të një urdhër-arresti të një gjykate federale gjermane.
Policia tha se Zukhurov u arrestua gjatë operacionit “Vizitori”, por avokati pretendon të kundërtën.
Përmes avokatit, i akuzuari për “terrorizëm” ka dhënë pëlqim të ekstradohet drejt Gjermanisë, por me një kusht, që Gjermania, në përfundim të procesit hetimor apo gjyqësor, të mos e ekstradojë në Taxhikistan. “Atje është një shtet diktatorial dhe i rrezikohet jeta”, tha Dogjani.
Sipas prokurorisë, Zukhurov dhe 5 persona të tjerë kanë ngritur një celulë terroriste në Republikën Federale të Gjermanisë me qëllim që të kryenin “xhihad” në emër të ISIS, duke kryer sulme me armë kundër “jo besimtarëve” gjermanë, si edhe sulme të tjera brenda dhe jashtë këtij vendi, duke përdorur armë luftarake dhe eksplozivë./Bl.Ba/Fjala.al
