Një specie e rrallë për ujërat tona është gjetur në liqenin e Pogradecit. Bëhet fjalë për atë që quhet breshkë unike për shkak të ngjyrave që ajo ka në zhguallin e saj.
Breshka e veçantë e cila reflekton ngjyra mbi “shtëpinë” e saj ka dalë nga ujërat e liqenit të Pogradecit ndërsa ka mbledhur rreth vetes qindra qytetarë të cilët janë kuriozuar nga pamja e saj.
Shkencëtarët e Universitetit të Biologjisë, në New York kanë sqaruar më herët se breshka ka një aftësi të mahnitshme që nuk keni hasur asnjëherë më parë tek ndonjë zvarranik.
Breshka bartë në vete ngjyrë neoni të kuqe dhe të gjelbër përderisa ekspozohet në dritën blu.
Megjithatë, David Gruber studiues nga New York-u, ka një shpjegim për këtë gjë mjaft interesante, ku thuhet se breshka të tilla kanë aftësinë e një organizmi për të përthithur dritën e një ngjyre për të lëshuar më pas në një mënyrë magjike ngjyra të ndryshme të ndezura.
Andaj sipas hulumtuesve, breshka e tillë, jo vetëm që i jep vetvetes një pamje interesante, ajo i falë edhe gjithë ujit pamje të magjishme nga dritat e përflakura që bartë në vete./Bl.Ba/Fjala.al
